عـفــيــفــــــــة
.............
حزام العفة كان ملفوف
متين لفة
وعشاقك من اللهفة
بيجرى ريقهم الملحان
على ريقك
وخطاويهم بتتكفى
بيتساقطو كورق التوت
ما بين ماسك فى حبل
الروح
وبين بيموت
حزام العفة ساب وسطك
وبانت عورة العشاق
داريتى م الزمن
وشك
وتاهت غربتك لفراق
يا فاكرة الكل
محاسيبك
وساقية ميـِّتك شربات
ولفة ميتك
فى شوال
وانا العطشان
وجف الحلق
وكل الخلق طمعانة
وحالف برضو ما هاسيبك
وشايل همى بالقفة
وانا باجرى
وباتكفى
أكون خيال
واتوه فى سباق ؟
حزام العفة
يا عفيفة
يا طاهرة وصافية
ونضيفة
بدلتى كل أزهارك
بكام جتة
بقت جيفة
وجرة حزامك المهتوك
وسايبة وسطك المفكوك
بيترقص
وضاعت هيبة العفة
وزفوكى ولاد العهر والمنظر
حزامك فك ..
يا رايقة
وكنتى ع الدلع لايقة
وسايقة الكون بطرف صباع
ولساكى كمان عايقة؟
تعالى نستر المفضوح
ولمى حزامك الغالى
وانا بلحمى
أرقع كل سوءاتك
بشريانى
أدارى كل عوراتك
وقرّطى حبة
على وسطك
حزام العفة واستنى
تجيبى بالحلال خلفة
تكون منك
تشيل همك ..
تشيل عنك
..........
بـــقـــلـــــم ا لــــشـــــــــــا عــــــــــر
أ بـــــو عـــــــمــــــا ر ا لــــمــــصـــــــــــــر ى
السبت مارس 26, 2016 1:34 am من طرف حسين محمد
