إلى أبونا الزمن...............زينب أبو الفتوح/ السويس

Admin المساهمات : 3357 تاريخ التسجيل : 28/06/2015

إلى أبونا الزمن
متعسَّره يا ولادة اليوم الجديد
متبعتَره يا أرض أنفاسك
وقت الميلاد و الموت
متبشنقين بالظن
و الدايَه مسنوده ببارود
لون الحياه ف عنينا أنّ
نَفَس السلام مكروش
الخوف بيلعب ..
ف الوشوش
عنقود غضب بيحرَّق اللبلاب
بيصَلِّبه ..
على حيطه جنب الشيش
ما يكونش ده طرف النهايه
ما يكونش ..
أول الابتدا ف الهَد
يا حيل سنين الكون
يا ضَهر ابونا الزمن ..
اتشدّ ..
زينب أبو الفتوح/ السويس

» عابر هوى............. زينب ابو الفتوح
» وجع و مِتحرَّم على قلوبنا...................زينب ابو الفتوح
» @@ أحداثاً نسيناها @@ بقلمي ــــــــ ـــــــــ ‏زينب رمانة‏.
» @@حبيبتي أنت المجدلية @@‏زينب رمانة‏.
» @@أنفاس ضاق بها صدري@@..زينب رمانة..