موضوع: عابر هوى............. زينب ابو الفتوح الجمعة ديسمبر 25, 2015 11:56 am
عابر هوى النيل كورنيشُه متعفَّر معجون بخمرة لُقانا و بضحكتى و شوقك و عُقد فُل اتحدَف على حجرى ما استحملش .. ساعة ما بوسته انفرط .. لميتُه جوا إديك خبيتُه ف كتابك و سِبت لك كلمه منقوشه على فرعه إنك رحيل فى رحيل و ساعة استثناء مقطوعه م الزمن البخيل أما أنا .. عابر هوى مَنسى حبيت أشوف عمرك ينفع يكون ملكى ما قدرتش أوصلّك لا حدودى فى كيانك .. و لا خطوتى ف ضِلَّك
السبت مارس 26, 2016 1:34 am من طرف حسين محمد
