وجع و مِتحرَّم على قلوبنا...................زينب ابو الفتوح

Admin المساهمات : 3357 تاريخ التسجيل : 28/06/2015

وجع
و مِتحرَّم على قلوبنا
تدوق الحُب
و مِتحرَّم على عيوننا
طيف النوم
و غِنوه كنا نهواها
نغنيها .. يروح الغيم
و مِتحرَّم علينا نروق
مادام ف الجسم
شىء يوجع
و صوت بينوح
مهوش مسموع
و كام قلب اندفن بيدُق
و ترس حديد
يدور و يشُق
نن العين
و برّانا و جوانا
بنتفرج
على صورنا فى الجرانين
و لسه بنحكى و نشاور !
و نرفع إيد خريطتنا
و حِبر العهد يشلِب دم
يتمتم فين عروبتنا ؟
ما دام صلِّينا ع القاعد
و سَبَّحنا فى توابيتنا
و زفّينا

» عابر هوى............. زينب ابو الفتوح
» إلى أبونا الزمن...............زينب أبو الفتوح/ السويس
» @@حبيبتي أنت المجدلية @@‏زينب رمانة‏.
» @@أنفاس ضاق بها صدري@@..زينب رمانة..
» @@وأنا وأنت ياقلبي @@ بقلمي .. ... زينب رمانة