حقوق النشر محفوظة
-----------؛
ولا كل من ....
-------؛
مش كل من قال يا هوى
يبقى صادق غرامه
ولا كل من قلبه إتكوى
م العشق بتكون آلامه
ولا كل من مشى ف طريق
يبقاله ..دليل عنوانه
ولا كل من إختار صديق
يأمن الصديق وزمانه
ومش كل من عشق القمر
يبقى امر فى كلامه
ولا كل من رحل سفر
يلقى فوايده امامه
ومش كل شراع ف مركبه
بتوصله.... ل أمانه
ولا كل من شوق عذبه
إرتاح ونسى احزانه
ومش كل من خط الكلام
طاوعه الكلام ف سطوره
ولا كل من مسك قلام
اصل المداد له ..بحوره
ومش كل من قلبه دق
يتهنى ف يوم ب حبيبه
ولا كل من قال ليا ..حق
بميزان العدل يجيبه
ومش كل من قال الله
وقال الرسول نولع شمع مقامه
ولا كل من نطق ب الآه
نصدقه وآه م الآه ولامه
ومش كل من قال يا ليل
الناس تقول له ..الله
ولا كل من ركب الخيل
ملك اللجام والزمام خطاه
---؛--
بقلم / عادل شعبان
السبت مارس 26, 2016 1:34 am من طرف حسين محمد
