(((ست الحسن )))
ست الحسن قاعده وفارده شعرها الليلى
هى جميلة ولون سمارها من نيلى
لما بتضحك سناها بينور كل قناديلى
ولما بتحزن ما بعرف نهارى من ليلى
فؤادى بهواها عليل فرجوت الا يشفى عليلى
اروم الوصل دوما واروض فى رضاها مستحيلى
هى نجومى وقمرى وشمسى واصيلى
فى حسنها تطاوعنى ابياتى وازاجيلى
ولما تتوة المعانى بلاقى فى اسمها دليلى
وفى حضنها الدافى بغنى احلى مواويلى
وفى بعدها تنزف دموعى وابعت مراسيلى
وقول يارب ساعدنى دابت مناديلى
ها اربط طوب على بطنى وقطع سرابيلى
دا قارب صيد على شطك يغنى عن اساطيلى
حفرت اسمك على قلبى وكسرت تماثيلى
عشقتك فى قراْنى وتوراتى وانجيلى
يارب بارك اللى حماها وصون خيالها وخيالى
ست الحسن متيم انا فهل فى الغرام مثيلى
بقلم الشاعر / سامى كرم
السبت مارس 26, 2016 1:34 am من طرف حسين محمد
