( الرجالة تجي بالأفعال )
قالو اليوم النسوان نصف مجتمعنا
وانا اقول ثلاث ارباع ماهن نصفين
يمكن اكثر لو دققنا بالقسمه وجمعنا
كل عشرةً بعشرتين والثلاث بثنتين
الرجاله ماهو اسمً ولا الاسم يقنعنا
يقنعنا بفعله ان شابه فعل الاولين
الرجاله ماهي ذكاره الله لا يشنعنا
كانها بالذكارة فالحمار قدك مرتين
الرجالة بالصحابه وبفعلهم قنعنا
بهم نخوة ومابنا نخوة الصحابيتين
نسيبه والخنساء الله بهن يجمعنا
الله يبعد عنا الخنا ويرزقنا الثنتين
الشهادة والجنة عساربي مايمنعنا
ويجعلنامن رجالها ويبعدالصدفتين
الرداوالجبن عند ملقا الرجال ويرفعنا
ولاتجعلنامن اشباه الرجال والاختين
شاركناهن النعومه وبالخشونه جزعنا
صرنا نجمل الوجيه ونحني الأيدين
ورفعنا سعر المناكير لأجل اصابعنا
ضعنابينهن وبين اشباههن الحلوين
ماتعرف ذكرها من انثاها وضعنا
لاتزعلون من قولي والقول به قولين
وانتي لا تزعلين ترا الفعل اجزعنا
يوم تشبهت الذكور بالبنات المزايين
وتركو نصرة اهلنا ولروافض خضعنا
ولاكنها أرضنا ولاكن من بها مسلمين
صرنانسمع النخوة وتجنب مسامعنا
كله من بعدنا عن اسلومنا والدين
راحت الرجال وعلومها في مجامعنا
وبقت رذالهامع فعلها وسلمها الشين
بقلم فهد القضاع المطيري
السبت مارس 26, 2016 1:34 am من طرف حسين محمد
