نضاره سوده
ــــــــــــــــــــــــــ
الارض كانت بتتكلم عربي
وقت ما كنا إيد واحده
دلوقتي تورتون أفرنجي
وضياعها علي إيد أبناءها
قالك عشان تبقي مضمون
وللألاجه تكون موزون
عيش حياتك عيشه ما دون
ودي أولادك السربون
كترت مدارس الخوجات
جوه بلادنا العربية
درسولهم كتير حاجات
مش ضمنها العربية
من سنين وسنين وسنين
لحد ما ضاعت الهوية
الجنسية عربية
الهوية أجنبية
والتاريخ مش زي ما قال
حاجة قديمة ومنتهية
أما الدين دا بقي موال
ملهوش وجود فيها ياعنيا
هوا دا اللي عايزينه
يغرسوه بينها وبينه
أما البنت بيستلموها
وفي فكرها بيغيروها
عشان عارفين إنها
المستقبل كده منها
وعيالها بيقلدوها
فكر كده بقي يازماني
واللي حصل لي في عنواني
بقينا جواها تايهين
وفي ربوعها متغربين
واهو كده بقينا حاسين
اننا مش منها
كانت الأرض بتتكلم عربي
وقت ماكنا إيد واحده
دلوقتي تورتون أفرنجي
وضياعها علي إيد ابناءها
أما بقيت الناس ياخال
حاجه رابش مش موضه
الفرق ما بين دوله وبينهم
خلت أوضاعهم مقلوبه
الناس كلها شايفينهم
لابسين في الضلمة
نضاره سوده ............................
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي / محمود مسعود ((شعر عامي )) 6/2:2016م
السبت مارس 26, 2016 1:34 am من طرف حسين محمد
