........ترانيم حبك.........
جوايا خوف منك جوايا حلم بنيته ليكي
نفسي أبعد عنك ونفسي كمان أرضيكي
حاجات حلمت بيها كبرت سنيني عليها
وكل حلم عندي هان ومات علي ايديكي
........
وبحبك وبحب عندك وقلبي دايما عندك
عاشق تراب خدك وعاشق حتي صدك
مين يرضي بغير حبك ومهما كان مهرك
آخد طرح عمري أيامه وأقطفها وأديكي
.......
حتي غربتي جواكي بأهواها وتهواكي
ولكل شارع حكاية دي حكايتي وياكي
ويفضل عشقي لعينيكي يحتار كده معاكي
ولو يوم تمدي ايديكي تلقيني طوع ليكي
.......
وأنا بهواكي فارس علي عشقك أنا حارس
حبك درس بلا مدارس بميلادي به حاسس
ومهما كان زمنك عليا دايس وللظلم وارث
هتفضلي حبيبتي وتفضل سنين عمري بيكي
........
وحكايتي في حبك كانت من كام الف سنة
وكان يزيد ويا الزمن صدك ويزيد حبي أنا
ويوم ما ترضي أشوف معاكي يومين هنا
أعيش عليهم سنين أكتب حكاية حبي فيكي
......
وبين الرضا والنسيان في عشقك ما أخون
تحت سماكي مسجون هواكي ومهما أكون
حلو جنون حبك ومين بهواكي مش مجنون
أعيش وأموت وهمي في الهوي أرضيكي
>>>>>>>>>>>>>>>>>>>>>>>>> أيمن بلال
السبت مارس 26, 2016 1:34 am من طرف حسين محمد
