.............حكاية
بتوعد وتخلف
وتأكد وتحلف
هنعيش هوانا
بحلاوة لقانا
.........................عشمتني
هنرسم جنتنا
ونعيش حياتنا
فرح وهنا
مليون سنة
..........................توهتني
وعشت معاك
ف حلم هواك
وعشقت ليلك
وبروحي بأجيلك
.........................سهرتني
وعدت سنين
بأحلم معاك
بشوق وحنين
عشت هواك
.........................فرحتني
تنادي ياعمري
أجيلك بعمري
أغمض عينيا
أشوفك بالدنيا
.........................عيشتني
وتمشي الحياه
لا دمعة وآه
ولا حزن يزورنا
ولا بعد يحرمنا
.........................فرحتني
وخدتني الحكاية
ومشيت للنهاية
وطلعت بمرارة
وكلمة ياخسارة
...........................بعتني
وفضلت حكايتك
عايشة الزمان
اقول علي حبك
ياريته ما كان
...........................عذبتني
وكل يوم حكاية
نعيشها للنهاية
بفرحة وضحكة
ودمعة تقول فاكرة
.........................انك هجرتني
وهي دي الحياه
تفرحنا بس يوم
ونلقي الحلم تاه
وسماها بقت غيوم
........................وده طبعها
نعيش الفرح فيها
ولما نجري عليها
تبعد ولا تلاقينا
وبكاسها تسقينا
.....................دايما مرها
واحنا فيها بنمشي
علي هواها بنرسي
زي ما تقول نقول
وزي ما تدي ننول
......................مين زيها
ياعاشقين مين سعيد
مين حبيبه مش بعيد
مين ماشريش كاسها
واتبدلت فيه أحوالها
.........................وجرب طبعها
وآهي دنيا ماشية بينا
بتاخد أكتر ما بتدينا
واحنا فيها عايشين
ومعاها أهو ماشيين
.......................في دربها
....................................أيمن بلال
السبت مارس 26, 2016 1:34 am من طرف حسين محمد
