........كرهتك.........
دنيا وأحلي أمانينا فيها الموت
وحلمنا اتلف ف كفن السكوت
بطيئة دي الساعات دقتها آهات
وبكرة بيت بس بيت عنكبوت
......
والتوهة عتمة ف ليل وطن
وكل حلم ف قبر اليأس اندفن
رخيصة الحياه وغالي الكفن
والعمر بطئ مش عايز يفوت
......
سجن جوا النفس والزمن سجاني
وغير ليالي الحزن ما حد يهواني
توهة أحس بغربة لو مرة تنساني
واللي فاضل حلم ساعات بيفوت
........
بين الحيطان صوت وفين صداه
غنوة حزين الفرح من كلامها تاه
واللحن دمعة بتنادي دايما عالحياه
أتاريها قبر ومستني الروح تفوت
..........
ياعمر طول عمره الحزن طبعه
زرعته مره وحصاده جرح ألمه
وف عز صفاه يسقينا كاس مره
وبظلمه يقول عزيز عليك الموت
......
يازمن خليت الفرح فينا بقي ذكري
من مرك بنتمني ما نلقي نفس بكرة
وتنطوي صفحتنا ونبقي هنا فكرة
عاشت هنا وزي أي شئ بتموت
..........................................أيمن بلال
السبت مارس 26, 2016 1:34 am من طرف حسين محمد
