البقاء لله
..........
ولأنك على غير العادة
غير كل الناس
حطيت لك نعىّ بخط عريض
على آخر صفحات الروح
ولأن الموت
من غير دافع
من غير أسباب
إيه المانع ؟
الموت مش بس طلوع الروح
ولأنك ...أنتِ
ولأنك كنتى
شيعت جنازتك جوايا
وبكل هدوء
واستقبلت بكل بقايا الأمل المتخبّى
الورد . الـ فتَّـح من بعدك
مثنى ..وثلاثاً ورباع
وبكل الشوق
أتلقى تهانى وتباريك
وعزايم على حفلات الرقص
ندوات الشعر المجنون
ما انا طبعى
لا باحضر ميتم
ولا عمرى ف عمرى
عملت حداد
وما كنتش أبداً يوم خاين
وما كنتش أبداً ..بياع
وحضرت مراسم تأبينك
خطوات الآخرة
على عيونك
ومضيت
على آخر سطر ف آخر ورقة
ودفتر الأحوال
من لحظة موتك ..مرحومة
الموت رحمة ف بعض الأحيان
فى نهاية الرحلة
أو بالأحرى
من بدايتها
من قبل المَـولِـد بزمان
مكتوب ساعة لكل الناس
مع عمر بفرحه
أو ترحه ..وبكل شقاه
واقولك إيه ؟
البقاء لله
بــقـــلـــــم ا لـــشـــــا عــــــــر
أ بـــوعـــمـــــــا ر ا لــمــصـــــــر ى
السبت مارس 26, 2016 1:34 am من طرف حسين محمد
