...........؟؟؟؟؟؟؟؟؟؟؟؟؟؟..............
هابي نيو يير وللا حتي يير هابي نيو
أهو عام عدي واللي جاي يشبه أخوه
بكرة ابن عم امبارح زمن وبينا سارح
حتي العمر يافالح شالوا دعمه وقصروه
........
هابي قالها واحد غبي عقله منه تاه
مجنون وصحي قال ياه حلوة الحياه
من غيرفكر أو حتي عقل أو لا وآه
شافها حلوة زي حلم العلم مش أبوه
.....
شاف حبيبته صورة حلوة في الخيال
قاللها خلاص راح كل شئ كان محال
ياحبيبتي لقيت الجواب لأصعب سؤال
في الجنون كل حلم ضاع مني رجعوه
......
شفت الزحمة جنة والصريخ حبة أغاني
شفتك حبيبتي زي الملايكة بشكل تاني
لمست ايدك سمعت صوت قلبك ناداني
قالي قرب عندي حب صعب الناس يفهموه
......
في الجنون كنت جنبك كنت عشقك
كنت كل حلم زار ف يوم نبض قلبك
كنت فارس زمانك غنوتك كنت رايتك
شفت حبك خيال ف الحقيقة مش هيلاقوه
........
هابي هو حالتي لما العقل عني راح بعيد
أصل الجنون في حبك مخلص مش عنيد
وكل يوم بالقرب منك بأعيشه من جديد
عرفتي ليه سيبتهم ياخدوا عقلي ويجننوه
.....................................................أيمن بلال
السبت مارس 26, 2016 1:34 am من طرف حسين محمد
