.....القسمة والنصيب....
أنا اللي كنت ف يوم حبيبك
دلوقت بقيت عنك غريب
غريب طبع الدنيا لما تصيبك
بس دي القسمة وده النصيب
.....
نتقابل كاننا ما عرفنا بعضنا
ولا يوم الحب جمع شملنا
ولا يوم كان بيننا لقا يضمنا
ولا كنتي الحبيبة وكنت الحبيب
.....
تعدي جنبي وتنده صورتك عليا
أجري بقلبي وأقول رجعت ليا
أغمض عينيا وأجيب قلبي هدية
ولما أفتح ألقي الفراق لسة نصيب
.......
واحنا اللي كنا ربيع زماننا
ولا كان الليل يسهر الا عشاننا
وياما رسمنا بهوانا أحلي جنة
ايه جرالنا بقي الهوي عنا غريب
......
ليه ياحب غاب زمان حبنا
وبقينا ليه أغراب عن بعضنا
ده اللي بيننا كان فرح بكاس هنا
هو ده طبع الزمن وللا النصيب
......
مين السبب احنا وللا الزمن
ماهي قلوبنا هي اللي دفعت التمن
وبعدنا واتغربنا وشفنا ف حبنا المحن
وبقيتي غريبة وبقيت عنك غريب
.............................................أيمن بلال
السبت مارس 26, 2016 1:34 am من طرف حسين محمد
