محمد سعيد ابوالوفا
وكنت معدي بالصدفة لقيتها هناك
وقفت وتهت من شوقي
دي لسا عيونها احلا ملاك
رقيقة زي ماكانت
نصيب عن بعض فرقنا وقلبي سبته برضة معاك
وكنت مواعده نتقابل
فطالت غيبته عاش جواك
وبصت ليا سرحانة ومن غير صوت
قالتلي كنت قلقانة ومن بعدك ملكني الموت
واحساسي بانفاسك بيطمني
وبيك عايشة وعمري يفوت
ومدت ايدها بتسلم وانا سارح
فضح كت لسا فيك عادة
معايا عالدوام واضح
فقولتها وحشتيني
وحشتي قلبي يا آية
قالتلي لا مدام آية
ماطول البعد غاصبني
ومش في الايد ولا الامكان
زعلنا قلت هاتسبني
وكنت بقول هايرجعلي
ويملا عمري قلبه حنان
ولارجعتش
وطال البعد ماصعبتش
عليك وانت الاكيد غلطان
وعارف كنت جيالك انا وحدي
اصالحك بس خفت ابقا ااا
رجعت بعيني مكسورة
فتتغير كدة الصورة
عموما شوفت اولادك
وحبيتهم عشان منك
ولسا بقول تسامحيني
قالتلي سماح
ماهو اللي يحب ناس زيك يكون مرتاح
وتبقا دنيته فرحة وديقه براح
عارف حكايتي عايشة فيها بس ليه
اكمني حبيتك قوي وحسيت بقيمتك في البعاد
مابقاش لفرحي شيء بيكمل الابيك
واني ابقا حاسة روحي فيك بس محرومة الوداد
مابقتش عارف اقولها وطال السكوت
وكلامها ده من رقته خلاني اموت
كان الوجع قبل اللقا مالهوش شروط
ايام تعدي بالبطيئ لكن تفوت
اما الوجع بعد اللقا مليون وجع
والصبح غيم زي مولود اتصرع
طب تسمحيلي اسالك
ازاي اشوفك ولا صعب ف يوم يكون
فقالتلي ممكن ابقا ليك مطمنة
لكن ياحب العمر صعب ف يوم اخون
السبت مارس 26, 2016 1:34 am من طرف حسين محمد
