6.1.2016 السلام عليكم ورحمة الله وبركاته واسعد الله صباحكم بكل الخير
*********طلطميس ***
أمة رياده وعلم صارت طلطميس
ما بتعرف الجمعه وفضلها ..من الخميس
من بعد ما كان العدل عنواننا
صرنا شعب بنصلي لشخص الرئيس
******
وين الصحابه ووين عدلك ياعمر
صار الظلم والكبت عنوان البشر
اعلام ما بيعرف سوى زيف ودجل
والقتل عل قلوبنا وعنا انتشر
وما النا الا الصبر ع الحال البئيس
*****
عنا سجون مكدسه وضاع الشباب
ما همنا دين وكرامه ولا كتاب
بنحارب الإسلام في عز الضحى
وديارنا من جيوشنا صارت خراب
الا لقتل الشعب ما عنا خميس (خميس تعني جيش )
******
شبعنا ضلال وهرطقات وهلوسه
بركب الهزائم والوجوه المفلسه
حدود ال فرضها الأجنبي في بلادنا
يا حيف صارت ملزمه ومقدسه
أغلى تواصلنا من الدر النفيس
*******
صبرا على اللي صيرونا في مزاد
باعوا البلاد وشتتوا شمل العباد
من بعد ما قدنا البشر للمعرفه
صرنا بواد ..المعرفه صارت بواد
واللي بقود الركب فاجر أو خسيس
السبت مارس 26, 2016 1:34 am من طرف حسين محمد
