؟؟؟؟؟؟؟؟؟؟؟؟؟
الاسم مجهول مع انه بين الناس معروف
بضحكته اللي ما تعرف قلق او حتي خوف
تشوفه تقول عاش الحياه بطولها وعرضها
لو قربت يوم منه تلقاه في توب الهم ملفوف
؟؟؟؟؟؟؟؟؟؟؟؟؟
خريف العمرهل قبل حتي ما اعيش حلاوته
وايه فاضل يادنيا غير حلم اشتريته وبيعته
يسمع حكايات الحب يكتبها أبيات وأشعار
يقولوا عليه عاشق والعشق ما زار حكايته
؟؟؟؟؟؟؟؟؟؟؟؟؟؟
أنا اللي كاتب علي قلبي عاشق بس مات
مستني علي محطة الأمل قطر عدي وفات
حكايتي زي حكاية ناس بتتولد بقلب حزين
كل زادهم في الدنيا يادوب حبة ذكريات
؟؟؟؟؟؟؟؟؟؟؟؟
نفسي أسافر يمكن الاقي نقسي قي السفر
وف غربتي اطفي مر حر أيامي بحبة مطر
ساعات نلقي في الغربة دوا يشفي كل حزن
وساعات نلقي ف السفر ضحكة رغم الخطر
.......................................................أيمن بلال
السبت مارس 26, 2016 1:34 am من طرف حسين محمد
